Ciiircle › كويز أونلاين بيتصحح لوحده — ونيو يجهّزلك المسودة

كويز أونلاين بيتصحح لوحده — ونيو يجهّزلك المسودة

في Ciiircle الكويز مهمة جوّه دايرتك: بتكتب الأسئلة، وتحدد إمتى يفتح وإمتى يقفل وقد إيه وقته، والطلبة يحلّوه من الموبايل، والأسئلة اللي ليها إجابة محددة بتتصحح لوحدها. ولو عندك ملف — PDF أو Word أو PowerPoint — تطلب من نيو يعمل منه مسودة كويز تراجعها قبل ما تنشرها.

أنواع الأسئلة

وعندك أسئلتك مكتوبة في Word أو في رسالة؟ الزقها في محرّر الكويز، وهو يحوّلها لأسئلة تراجعها.

الإعدادات

• ميعاد يفتح فيه، وميعاد يقفل فيه.
• وقت لكل محاولة، بيتحسب على السيرفر مش على موبايل الطالب.
• عدد المحاولات، وأنهي محاولة تتحسب: الأعلى أو الأخيرة.
• ترتيب عشوائي للأسئلة وللاختيارات، أو سؤال في كل صفحة.
• إمتى الطالب يشوف درجته: على طول، أو بعد ما الكويز يقفل، أو لما إنت تنشر الدرجات — وإمتى يشوف الإجابات الصح، لو حبيت.
• درجة نجاح، أو كويز تدريبي مابيتحسبش في الدرجات.
• الشات في الدايرة بيقف وقت الكويز.
• تخلّي الكويز لطلبة معيّنين، وتدّي طالب وقت أو محاولة زيادة.

النتايج والتصحيح

بتشوف نتيجة كل طالب وإجاباته، وتصحح المقالي وتكتب ملاحظة على أي إجابة. والكويز اللي الطالب خلّصه بيتكتب في جوازه الأكاديمي، والكويز التدريبي بيتسجّل إنه اتعمل من غير درجة.

عمل كويز بالذكاء الاصطناعي مع نيو

ارفع الملف في الدايرة، واطلب من نيو «اعمل كويز ١٠ أسئلة من الملف ده». نيو بيقرا الملف ويجهّز مسودة بأنواع الأسئلة المناسبة، ويوريهالك في كارت. مفيش حاجة بتتعمل غير لما تدوس تأكيد، والمسودة بتفتح في محرّر الكويز عشان تراجعها وتعدّلها — ونيو عمره ما بينشر كويز بنفسه.

تعمل كويز في ٣ خطوات

1. افتح دايرتك، ومن المهام اختار كويز.
2. اكتب الأسئلة أو الزقها، أو خلّي نيو يجهّز مسودة من ملف، وحدد الوقت والمحاولات.
3. انشره — الطلبة بيحلّوه من الموبايل، وإنت تشوف النتايج أول بأول.

اللي مش موجود

• مفيش مراقبة بالكاميرا وقت الكويز.
• نيو مبيقدرش يقرا الـ PDF المتصوّر (سكان) ولا الصور؛ بيقرا الملفات اللي فيها كلام مكتوب.

أسئلة شائعة

اقرا كمان